Skilmálar fyrir þátttöku í Náttúruskvísum 🌿

Þátttaka á eigin ábyrgð

Öryggi þitt skiptir mig miklu máli og ég legg áherslu á að allar æfingar fari fram með öryggi að leiðarljósi. Engu að síður er mikilvægt að þú vitir að þátttaka er á eigin ábyrgð. Það þýðir að skipuleggjandi ber ekki ábyrgð ef slys eða meiðsli koma upp. Þetta skilyrði er sett fram til að minna á að alltaf fylgir örlítil áhætta því að stunda útivist og hreyfingu, þótt ég geri mitt besta til að fyrirbyggja óhöpp.

Búnaður

Þátttakendur bera ábyrgð á því að koma í viðeigandi fatnaði og skóbúnaði sem hæfir veðri og árstíð. Mikilvægt er að skóbúnaður sé með grófum sóla til að tryggja gott grip og draga úr líkum á slysum, bæði í göngu- og skokkhóp. Í skokkhópnum er mikilvægt að vera í þar tilgerðum utanvegahlaupaskóm. Á haustin og veturna er þörf á að eiga brodda undir skóna og gott höfuðljós.

Öryggisbúnaður í hverri æfingu

Öryggisbúnaður sem þarf að hafa á sér í hverri æfingu: álteppi, hælsærisplástrar eða second skin og orkustykki (Snickers eða eitthvað orkuríkt). Álteppið og plástrarnir fást í næsta apóteki og eru mjög létt og fyrirferðarlítil.

Heilsa og geta

Þátttakendur ættu að vera í ástandi til að stunda útivist og hreyfingu. Ef þú ert með undirliggjandi heilsufarsvanda, ert barnshafandi eða í vafa um hvort þátttaka henti þér, hvet ég þig til að ráðfæra þig við lækni áður en þú byrjar. Láttu mig vita af því sem gott er að hafa í huga svo ég geti tekið tillit til þess.

Skráning og greiðsla

Það er hægt að skrá sig hvenær sem er. Mánaðarleg áskrift er greidd með greiðslukorti í gegnum örugga greiðsluþjónustu (Straumur) og endurnýjast sjálfkrafa í lok hvers mánaðar þar til henni er sagt upp. Gjaldið er það sem birtist við skráningu og á áskriftarsíðunni hverju sinni. Pláss er ekki tryggt fyrr en áskriftargjaldið hefur verið greitt.

Forföll þátttakanda

Ef þú missir úr tíma er ekki veitt endurgreiðsla eða endurkomutími. Ef tími fellur niður af minni hálfu býð ég upp á uppbótartíma á öðrum degi.

Frídagaákvæði

Æfingar fara almennt ekki fram á almennum frídögum (rauðum dögum), nema annað sé sérstaklega auglýst. Mánaðaráskrift miðast við aðgang að starfi Náttúruskvísa yfir tímabilið í heild sinni, en ekki ákveðinn fjölda skipta.

Uppsögn og endurgreiðslur

• Hvernig segirðu upp: Þú getur sagt upp áskriftinni sjálf/ur hvenær sem er á Mínum síðum undir „Áskrift“ (með því að hætta við endurnýjun), eða með því að hafa samband við okkur.
• Hvenær tekur uppsögn gildi: Uppsögn stöðvar sjálfvirku endurnýjunina. Þú heldur aðgangi út það tímabil sem þegar er greitt; að því loknu endurnýjast áskriftin ekki og þú ert ekki rukkuð aftur. Áskriftin endurnýjast sjálfkrafa mánaðarlega þar til henni er sagt upp.
• Endurgreiðslur: Yfirstandandi áskriftartímabil er ekki endurgreitt hlutfallslega við uppsögn. Stakar gönguferðir fylgja reglunum um forföll hér að ofan. Falli þjónusta niður af okkar völdum færðu fulla endurgreiðslu eða uppbótartíma.
• Neytendaréttur: Þessir skilmálar hafa ekki áhrif á ófrávíkjanleg réttindi þín samkvæmt íslenskum neytendalögum, þar á meðal hugsanlegan rétt til að falla frá samningi. Óskir um uppsögn eða endurgreiðslu má senda á natturuskvisur@gmail.com.

Breytingar á þjónustu

Náttúruskvísur áskilja sér rétt til að breyta dagskrá, tímum eða fyrirkomulagi ef nauðsyn krefur, með eðlilegum fyrirvara.

Niðurgreiðsla og styrkir

Margir vinnuveitendur og stéttarfélög veita líkamsræktarstyrki — ég hvet þig til að kanna hvort þú eigir rétt á slíkri niðurgreiðslu. Það er hægt að fá kvittun fyrir áskriftinni hjá mér.

Persónuvernd

Við vinnum persónuupplýsingar eingöngu til að veita þjónustuna, svo sem skráningu, bókanir, áskrift og samskipti. Hægt er að óska eftir upplýsingum um eða eyðingu á persónuupplýsingum með því að hafa samband.

Rekstraraðili

• Reset ehf.
• Kennitala: 460602-2540
• Sölkugata 16, 270 Mosfellsbær
• Netfang: natturuskvisur@gmail.com
• Sími: 694 4373

Hafðu samband

Spurningar um skilmála, greiðslur eða endurgreiðslur má senda á natturuskvisur@gmail.com.